کوردپرێس:

ڕۆژی هەینی 5ی گوڵانی 1399 کیانووش جیهانپوور وتەبێژی وەزارەتی تەندروستیی ئێران لە لێدوانێکدا ئاماژەی بە کۆی حاڵەتەکانی کۆرۆنا لە ئێران کرد و ڕایگەیاند لە ماوەی 24 کاتژمێری ڕابردوودا 1168 حاڵەتی نوێی تووشبوون بە کۆرۆنا لە ئێران تۆمار کراوە و بەوەش کۆی حاڵەتەکانی تووشبوون لەو وڵاتە گەیشتە 88 هەزار و 194 حاڵەت.

ناوبراو هەروەهاش ڕوونی کردەوە کە لە ماوەی 24 کاتژمێری ڕابردوودا 93 هاووڵاتیی ئێرانی بە هۆی کۆرۆناوە گیانیان لە دەست داوە.

جەهانپوور زیادیشی کرد: تا ئەم کاتە 66 هەزار و 596 تووشبووی کۆرۆنا چاک بوونەتەوە و لە نەخۆشخانەکانی ئێران ڕەوانەی ماڵە خۆیان کراونەتەوە.

ناوبراو هەروەهاش گوتی کۆی حاڵەتەکانی مردن بە هۆی کۆرۆنا لە ئێران گەیشتۆتە 5 هەزار و 574 حاڵەت.