بەپێی هەواڵی کوردپرێس، فەخرەدین قۆجا وەزیری تەندروستیی توركیا ئاشكرای كرد، لە 24 كاتژمێری ڕابردوودا 121 كەس بە ڤایرۆسی كۆرۆنا گیانیان لەدەست داوە، بەمەش ژمارەی ئەو كەسانەی تائێستا گیانیان لەدەست داوە بۆ هەزار و 890 كەس بەرزبووەوە.

وەزیری تەندروستی توركیا ڕاشیگەیاند، لە ماوەی 24 كاتژمێری ڕابردوودا 40 هەزار و 520 پشكنین ئەنجام دراون، سێ هەزار و 783 تووشبووی كۆرۆنا تۆماركراون و بەمەش ژمارەی گشتیی تووشبووان گەیشتە 82 هەزار و 329 كەس. هەروەها 10 هەزار و 453 تووشبوو چاک بوونەتەوە.

جێی ئاماژەیە، ژمارەی مردووان بەهۆی ڤایرۆسی كۆرۆناوە لە توركیا بووە هەزار و 890 كەس و ژمارەی تووشبووانی تۆماركراویش بۆ 82 هەزار و 329 بەرزبووەوە. 1894 لەو تووشبووانە لە چاودێری چڕ خەوێنراون.

کۆدی هەواڵنێر: 60113