کوردپرێس:

وه‌زاره‌تی ده‌ره‌وه‌ی عێراق له ‌ڕاگه‌یه‌ندراوێكدا ئاشكرای كرد، وه‌زیری ده‌ره‌وه‌ی عێراق بانگهێشتی باڵیۆزی توركیا له‌به‌غدا ده‌كات و به‌فه‌رمی ناڕه‌زایه‌تی عێراق له‌بۆردوومانه‌كانی توركیا پێشكه‌شی باڵیۆزه‌كه‌ی توركیا ده‌كات.

وه‌زاره‌تی ده‌ره‌وه‌ی عێراق ئاماژه‌ی به‌وه‌ش داوه‌، ئیدانه‌ی ئه‌و هێرشانه‌ی توركیا ده‌كه‌ن كه‌بووه‌ هۆی زیانی گیانی و ماددیی به‌ ناوچه‌كه‌.

له‌ لایێكی دیكه‌وه‌ فه‌رمانده‌ی ئۆپه‌راسیۆنه‌ هاوبه‌شه‌كانی عێراق ڕایگه‌یاند، بۆردوومانه‌كه‌ی ڕۆژی چوارشه‌ممه‌ی فڕۆكه‌كانی توركیا له‌نزیك كه‌مپی ئاواره‌كانی مه‌خمور ئیدانه‌ ده‌كه‌ن و به‌ پێشێلكردنی سه‌روه‌ریی خاكی عێراق وه‌سفیده‌كه‌ن.

فه‌رمانده‌ی ئۆپه‌راسیۆنه‌ هاوبه‌شه‌كانی عێراق داوا له‌توركیاش ده‌كات به‌زاندنی ئاسمانی عێراق دووباره‌ نه‌كاته‌وه‌.

کۆدی هەواڵنێر: 60101