کوردپرێس:

ڕۆژی پێنجشەمە 28ی خاکەلێوەی 1399 محەمەد کەریمیان سەرۆکی زانکۆی پزیشکیی ئیلام لە لێدوانێکدا ڕایگەیاند بە خۆشحاڵییەوە لە ماوەی 48 کاتژمێری ڕابردوودا هیچ حاڵەتێکی مردن بە کۆرۆنا لە ئیلام تۆمار نەکراوە.

کەریمیان گوتیشی لە ماوەی 24 کاتژمێری ڕابردوودا 3 حاڵەتی نوێی تووشبوون بە کۆرۆنا لە پارێزگایئیلام تۆمار کراوە و بەوەش کۆی حاڵەتەکانی تووشبوون بەو ڤایرۆسە گەیشتە 418 حاڵەت.

ناوبراو ئاماری تووشبووانی بە گوێرەی شارەکان لە پارێزگای ئیلام ئاشکرا کرد و بەم شێوەیەی خوارەوە ئامارەکەی ڕوون کردەوە:

ئیلام: 193 حاڵەت

ئەیوان: 69 حاڵەت

مێهران: 40 حاڵەت

دێلوڕان: 23 حاڵەت

ئابدانان: 21 حاڵەت

سەرۆکی زانکۆی پزیشکیی ئیلام ئەوەشی ڕوون کردەوە کە تا ئەم کاتە 57 تووشبووی کۆرۆنا لە نەخۆشخانەکانی پارێزگای ئیلام لە ژێر چاودێریدان و کۆی 284 نەخۆشی تووشبووی کۆرۆنا دۆخی تەندروستییان جێگیر بووە.