کوردپرێس:
تۆماس مەک کلێر توێژەری کاروباری کورد گفتوگۆیێکی لەگەڵ ماڵپەڕی "ترۆس ئەوت" کردووە و لو چاوپێکەوتنەدا هۆشداریی داوە لەبارەی خۆئامادەکردنی تورکیا بۆ هێرشی دوبارەی بۆ سەر کوردی سووریا.
ناوبراو لەو بارەیەوە ڕوونیشی کردۆتەوە کە جموجووڵی درۆنەکانی سوپای تورکیا لە هەندێک ناوچەی ژێردەسەڵاتی کورەکانی سووریا وەک شەهبا زیادی کردوووە و هەروەهاش تورکیا ژمارەیێکی زۆر هێزی لە ئەعزازی باکووری سووریا جێگیر کردووە.
ئەو توێژەرە ڕۆژئاوایییە کە لە پەیمانگای زانیارییەکانی ڕۆژئاوا لە باکووری سووریا کار دەکات زیادیشی کردووە: سەرچاوەکانی ئێمە پێمان دەڵێن ئەگەری زۆرە ئەم جموجووڵانەی تورکیا بە نیازی داگیرکردنی بەشێکی تر لە ناوچەی ژێردەسەڵاتی کوردەکانی سووریا بێت و مەترسییێکی جدی هەڕەشە لە کوردەکان دەکات.
مەک کلێر هۆشداریی ئەوەشی داوە کە تورکیا بەردەوام هەڕەشە لە کوردەکانی سووریا دەکات و ئەگەری زۆرە ئەم هەڕەشانە ببنە بە هێرشێکی جدی.
کۆدی هەواڵنێر: 60101
Your Comment