کوردپرێس:

ڕۆژی یەکشەمە 24ی خاکەلێوەی 1399 دوکتور کیانووش جیهانپوور لە لێدوانێکدا دوایین ئامارەکانی لەبارەی کۆرۆناوە ئاشکرا کرد و ڕایگەیاند تا ئەم کاتە کۆی 71 هەزار و 686 هاووڵاتیی ئێرانی تووشی پەتای کۆرۆنا بوون و کۆی 4 هەزار و 474 هاووڵاتییش بەهۆی پەتاکەوە گیانیان لە دەست داوە.

جیهانپوور زیادی کرد لە ماوەی 24 کاتژمێری ڕابردوودا 1657 حاڵەتی نوێی تووشبوون بە کۆرۆنا لە ئێران تۆمار کراوە و 117 هاووڵاتییش لە هەمان ماوەدا بە هۆی کۆرۆناوە گیانیان لە دەست داوە.

شایانی باسە لە ڕۆژی ڕابردووەوە چالاکی و کاری بەشێک لە ئیدارە و بازاڕەکانی ئێران بە شێوەی سنووردار دەستی پێکردەوە و بە پێی ڕنێمایییەکانی ژووری کۆنتڕۆڵ کردنی کۆرۆنا هەندێک لە هاووڵاتییانی ئێرانی گەڕانەوە سەر کارەکانیان.