لاهور شێخ جه‌نگی، هاوسه‌رۆکی یه‌کێتی له‌ هه‌ژماری تایبه‌تی خۆی له‌ تۆڕی کۆمه‌ڵایه‌تی فه‌یسبووک بڵاوی کرده‌وه‌، کۆپلی و ھوود ھیواخواز بوون پەیوەندییەکانی یەکێتیی نیشتیمانی کوردستان و ویلایەتە یەکگرتووەکانی ئەمریکا ھەنگاوی زیاتر بنێت و بچێتە قۆناغێکی تازەوە.

باسی له‌وه‌ش کردووه‌، ھەر لەدرێژەی قسەکانیاندا ھیوای سەرکەوتنی زیاتریان بۆ یەکێتیی نیشتیمانی کوردستان خواست "وەک حیزبیکی بەھێز و کاریگەر کە دەبێت ڕۆڵی گەورە و بەرچاو ببینێت لەسەرگۆرەپانی سیاسی لە عێراق و لە ھەرێمی کوردستان دا".

له‌ راگه‌یه‌ندراوه‌که‌دا هاتووه: "تەوەرێکی تری گفتۆگۆکان باسکردن بوو لە ڕاسپاردنی مستەفا کازمی بۆ پێکھێنانی حکومەتی نوێی عێراق و بەشداریکردنی کورد لەو پڕۆسەیەدا، کەدەبێت حکوومەتێکی نیشیمانی بێت وتیایدا مافە دەستورییەکانی کورد و گەلانی عێراق بەرجەستەبکرێت".

ئه‌وه‌ش خراوه‌ته‌وه‌ڕوو، دواتر مەترسی خۆڕێکخستنەوەی داعش و ھێرشەکانی چەند ڕۆژی ڕابردوو بۆ سەر ناوچە جیاوازەکانی ھەرێمی کوردستان و عێراق باسی لێوەکرا کە دەبێت ھەماھەنگی و پەیوەندی زیاتر ھەبێت بۆئەوەی ڕێگری لەسەرھەڵدانەوەی شانە نووستووەکانیان بکرێت.

لە کۆتایشدا باس لەدوا ھەوڵەکانی ئەمریکا و وڵاتان کرا بۆڕوبەڕووبونەوەی ڤایرۆسی کۆرۆنا کە ئێستا مرۆڤایەتی لەبەردەم ڕووبەڕووبونەوەیێکی قورس دایە و جەخت کرایە کە ھەمووان پێکەوە مەینەتییەی مرۆڤایەتی تێدەپەڕێنن.

کۆدی هەواڵنێر: 60113