به‌پێی هه‌واڵی کوردپرێس، شیروان زرار وته‌بێژی کۆمیسیۆن سه‌باره‌ت به ماوه‌ی بانگه‌شه‌ی هه‌ڵبژاردن ئاماژه‌ی به‌وه‌ش کرد: دوو بۆچوون هه‌یه له نێو کۆمیسیۆندا بۆچوونی یه‌که‌م پێیان باشه ماوه‌ی بانگه‌شه‌کردن ده ڕۆژ بێت و بۆچوونی دووه‌م پێیان باشه 14 ڕۆژ بۆ هه‌ڵمه‌تی بانگه‌شه‌کردن دیاری بکرێت.
ناوبراو باسی له‌وه‌ش کرد: بۆچوونی زۆرینه له‌گه‌ڵ ئه‌وه‌دایه ماوه‌ی 10 ڕۆژ بخایه‌نێت و له داهاتوویێکی نزیکدا کۆمیسیۆن کاتی ده‌ست پێکردنی هه‌ڵمه‌تی بانگه‌شه‌کردن ڕاده‌گه‌یه‌نن.
هه‌رچه‌نده هێشتا کاتی بانگه‌شه‌ی هه‌ڵبژاردنه‌کان دیاری نه‌کراوه و نزیکه‌ی ٢ مانگ و ١٠ ڕۆژ ماوه بۆ ئه‌نجامدانی هه‌ڵبژاردنه‌کان به‌ڵام له ئێستاوه به‌شێک له ئه‌ندام و لایه‌نگرانی حزبه سیاسییه‌کانی هه‌رێم له تۆڕه کۆمه‌ڵایه‌تییه‌کاندا ده‌ستیان به بانگه‌شه‌کردن کردوووه بۆ لیسته‌کانیان.
بڕیاره له ٣٠ی ئه‌یلوولی ئه‌مساڵدا پرۆسه‌ی هه‌ڵبژاردنه‌کانی هه‌رێم به‌ڕێوه بچێت و له ئێستاشدا کۆمیسیۆن ژماره‌ی لیستی ئه‌و قه‌واره سیاسییانه‌ی دیاری کردوووه که به‌شداری له پرۆسه‌که‌دا ده‌که‌ن و ئاماده‌کارییه‌کانیشیان بۆ ئه‌نجامدانی پرۆسه‌که به‌رده‌وامه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment