کوردپرێس- ئاژانسی هه‌واڵی ڕۆیته‌رز له هه‌واڵێکدا ئاماژه به‌وه ده‌کات که زیاتر له 250 خۆپیشانده‌ر له به‌رده‌م ده‌روازه‌ی سه‌ره‌كیی كێڵگه‌ی نه‌وتی زوبێر كۆبوونه‌ته‌وه و ناڕه‌زایی ده‌رده‌بڕن.
ئه‌وه له كاتێكدایه كه پێشتر به هۆی دروست بوونی گرژی له خۆپیشاندانه‌كان و پێكدادانی پۆلیس و خۆپیشانده‌ران قه‌ده‌خه‌ی هاتوچۆی ئۆتۆمبێل له پارێزگاكه راگه‌یه‌ندرا و ئه‌مڕۆ سێشه‌ممه 17ی ته‌مووز به شێوه‌یێكی نیمچه‌یی كراوه‌ته‌وه.
له‌لایێكی دیكه‌وه به‌رپرسانی كێڵگه نه‌وتییه‌كه ڕایان‌گه‌یاند به‌رهه‌مهێنانی نه‌وت له كێڵگه‌كه ئاسایییه و كۆمپانیای "ئینی" ئیتاڵی كاری تێدا ده‌كات.
به‌هۆی كه‌م بوونه‌وه‌ی ئاوی خواردنه‌وه، كاره‌بای نیشتمانی و بێكاری كوشنده له ڕیزی گه‌نجان هه‌فته‌یێک زیاتره خۆپیشاندان له شاره‌كانی باشووری عێراق ده‌ستی پێكردوووه.
به مه‌به‌ستی كپكردنه‌وه‌ی خۆپیشاندانه‌كانیش هێزه ئه‌منییه‌كان له ته‌واوی شار و شارۆچكه‌كانی باشووری عێراق بڵاوه‌یان پێكراوه و خراونه‌ته ئاماده‌باشییه‌وه.
به‌هۆی پێكدادانی هێزه ئه‌منییه‌كان و خۆپیشانده‌ران تا ئێستا زیاتر له 10 هاووڵاتی كوژراون و نزیكه‌ی 250 برینداریش له ڕیزی هێزه ئه‌منییه‌كان و خۆپیشانده‌ران هه‌یه.
سه‌رچاوه: K24
کۆدی هه‌واڵنێر: 60103
Your Comment