به‌پێی هه‌واڵی کوردپرێس، له دووهه‌م ساڵیادی هه‌وڵی كووده‌تا بۆ سه‌ر حكوومه‌تی توركیا كه ڕۆژی 15ی 7ی 2016 ئه‌نجام درا و دواتر شكستی پێهێندرا هاكان قاره‌چی كونسووڵی توركیا له هه‌رێمی کوردستان له گفتوگۆ له‌گه‌ڵ SNNدا ڕای‌گه‌یاند: "ئێمه وه‌كوو توركیا هه‌ر له سه‌ره‌تاوه گرووپی فه‌تحوڵڵا گوله‌نمان تاوانبار كرد به هه‌وڵی كووده‌تا و دواتریش له هه‌وڵداین تاوه‌كوو له‌و 160 وڵاته‌ی كه گرووپه‌كه به ناوی په‌روه‌رده‌وه كاری تێدا ده‌كه‌ن، كاره‌كانیان قه‌ده‌غه بكرێت".
كونسووڵی توركیا ئه‌وه‌شی ڕوون كرده‌وه: "هه‌وڵه‌كان له‌و چوارچێوه‌یه له‌گه‌ڵ عێراق و هه‌رێمی كوردستانیش دراوه به‌ڵام به گوێره‌ی زانیارییه‌كانمان تا ئێستا خوێندنگه‌كانی سه‌ر به گوله‌ن له عێراق و هه‌رێمیش هه‌ن".
ناوبراو ئه‌وه‌شی وت: "ئێمه ده‌مانه‌وێت ئه‌و كارانه به ته‌واوی قه‌ده‌غه بكرێت چوونكه زانیاریی ئه‌وه‌شمان هه‌یه شانه‌ی نوستووی ڕێكخراوه‌كه تا ئێستا له عێراق و هه‌رێمی كوردستانیش له‌ژێر ناوی جیاوازدا كار ده‌كه‌ن".
هاکان قاره‌چی سه‌باره‌ت به ئاسایی بوونه‌وه‌ی گه‌شته‌كانی توركیا و فڕۆكه‌خانه‌ی نێوده‌وڵه‌تیی سلێمانی خۆی له پرسیاره‌کانی SNN ده‌دزێته‌وه و ئاماده نییه وه‌ڵامیان بداته‌وه.
کۆدی هه‌واڵنێر: 60103
Your Comment