به‌پێی هه‌واڵی کوردپرێس، به‌نگین ڕێکانی نوێنه‌ری بارزانی له‌ دانوستانه‌کان به‌ میدیاى فه‌رمیی پارتى وتوووه‌: بڕیار بوو جارێكی دیكه‌ لایه‌نه‌ عێراقییه‌كان سه‌ردانی هه‌رێمی كوردستان بكه‌نه‌وه‌ به‌ڵام دوو شت هه‌بوون و له‌سه‌ر وه‌ره‌قه‌یێكى هاوبه‌ش ڕێكنه‌كه‌وتوون.

ناوبراو ئاماژه‌ى به‌وه‌ش كردوووه‌ هه‌موو ئاماده‌كارییێیش بۆ كۆبوونه‌وه‌كه‌ كرابوو و دواتر ئێمه‌ داوامان كرد دوابخرێت له‌به‌ر ئه‌وه‌ی له‌سه‌ر وه‌ره‌قه‌ی گفتوگۆكان ڕێکنه‌كه‌وتین بۆیه‌ داوایان كرد كۆبوونه‌وه‌كه‌ دوا بخرێت و دواش خرا و هۆكارى دووه‌میش ئه‌وه ‌بوو تا ئه‌نجامی هه‌ڵبژاردنه‌كان كۆتایی پێ دێت.

نوێنه‌ره‌كه‌ى بارزانى ئه‌وه‌شى خستوووه‌ته ‌ڕوو "بۆ ئه‌و كۆبوونه‌وه‌یه‌ ئێمه‌ وه‌رقه‌ی خۆمان ئاماده ‌كردوووه‌ به‌ڵام ئه‌وان وه‌ره‌قه‌یێكیان پێشكه‌ش كردبوو و ئێمه‌ تێبینیمان له‌سه‌ری هه‌بوو بۆیه‌ كۆبوونه‌وه‌كه‌ ئه‌نجام نه‌درا و دواخرا."

سه‌رچاوه‌: خه‌ندان

کۆدی هه‌واڵنێر: 60103