به‌پێی هه‌واڵی کوردپرێس، حه‌یده‌ر عه‌بادی له پرێس كۆنفرانسی هه‌فتانه‌ی خۆیدا ئاماژه‌ى به‌وه دا هه‌رگیز له‌وانه خۆش نابن كه ئه‌نجامی ده‌نگه ژمێردراوه‌كانی كه‌ركووكیان دزیوه و ده‌ڵێت "دوایان ده‌كه‌ین و سزایان ده‌ده‌ین، دزینی ده‌نگی ده‌نگده‌ر تاوانه".
ناوبراو له وه‌ڵامی پرسیارێكدا له‌باره‌ی به‌رده‌وامیی چالاكیی راوێژكاره سه‌ربازییه بیانییه‌كان له چوارچێوه‌ی به‌ره‌نگاربوونه‌وه‌ی داعش له عێراقیش وتى "ژماره‌ی ڕاوێژكاره سه‌ربازییه بیانییه‌كان له كاتی ئۆپه‌راسیۆنی مووسڵدا له لووتكه‌دا بوو، دوای داعش ده‌ستمان به كه‌مكردنه‌وه‌ی ڕاوێژكاره‌كان كردوووه، به‌شی زۆری ئه‌وانه‌ی ماونه‌ته‌وه له به‌ره‌نگاربوونه‌وه‌ی داعشدا له سووریا كار ده‌كه‌ن، هه‌وڵ و ئامانجمان له‌باره‌ی له‌ناوبردنی داعش له سووریاش له‌ئارادایه و ده‌مانه‌وێت درێژه‌ی پێبده‌ین ئه‌وه‌ش به پشتیوانیی نێوده‌وڵه‌تی ده‌بێت.
سه‌رۆک وه‌زیرانى عیراق سه‌باره‌ت به ڕفاندنی دوو هاووڵاتیی نیپاڵی له‌سه‌ر رێگای كه‌ركووک-به‌غداش ئاماژه‌ى به‌وه دا ئه‌وه تیرۆر نییه و بابه‌تێكی پلان بۆداڕێژراوی به‌رژه‌وه‌ندیی مادی نێوان كۆمپانیاكانه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment