کوردپرێس:
لە ڕاگەیەندراوێکدا حکوومەتی هەرێمی کوردستان بڵاوی کردەوە، نێچیرڤان بارزانی پێشوازیکردووە لە سیگرید کاغ وەزیری بازرگانی و هاریکاری پەرەپێدانی هۆڵەندا و شاندێکی هاوڕێی، لە دیدارەکەدا شاندی حکومەتی هۆڵەندا ئامادەیی وڵاتەکەی دەربڕیوە بۆ هاریکاریکردنی دامودەزگاکانی هەرێمی کوردستان لە بوارە جیاجیاکاندا.
بە گوێرەی ڕاگەیەندراوەکەی حکوومەتی هەرێم، ستایشی حکوومەت و خەڵکی کوردستانیان کردووە بۆ پێشوازیکردن و حەواندنەوەی ژمارەیێکی زۆر ئاوارە و پەنابەران.
لە کۆتایی ڕاگەیەندراوەکەدا ئاماژە بەوە کراوە، هەردوولا گفتوگۆیان کردووە دەربارەی دوا پەرەسەندنەکانی دۆخی سیاسی و هەڵبژاردنە پەرلەمانییەکەی عێراق و کێشەکانی ناوچەکە.
Your Comment