به‌پێی هه‌واڵی کوردپرێس، ده‌سته‌ی گشتیی گه‌شتوگوزاری هه‌رێم ده‌ڵێت: له ماوه‌ی 10 ڕۆژدا و له 12ی حوزه‌یرانه‌وه تاوه‌كوو 21ی حوزه‌یرانی 2018 زیاتر له 255 هه‌زار گه‌شتیار هاتوونه‌ته هه‌رێمی كوردستان ئه‌وه‌ش به‌راورد به ساڵی ڕابردوو و له هه‌مان كات ژماره‌ی گه‌شتیار به ڕێژه‌ی 5% زیادی كردوووه كه ژماره‌ی گه‌شتیاران 243 هه‌زار گه‌شتیار بوووه و ئه‌مه جگه له گه‌شتیاری ناوخۆ كه ده‌كرێ بوترێت گه‌شتیاری ناوخۆ نیوه‌ی گه‌شتیاری ده‌ره‌وه بوووه و هه‌ژمار نه‌كراوه.
ده‌سته‌ی گشتیی گه‌شتوگوزاری هه‌رێم له‌باره‌ی داهاتی گه‌شتیاری له‌و چه‌ند ڕۆژه‌دا ده‌ڵێت: "مه‌زنده ده‌كرێ داهاتی گه‌شتیاری له‌و 10 ڕۆژه زیاتر له 70ملیار دینار بێت بۆ ناو بازاڕه‌كانی هه‌رێمی كوردستان."
باس له‌وه‌ش كراوه که 91% گه‌شتیاران له شاره‌كانی خوار و ناوه‌ڕاستی عێراق هاتبوون و پارێزگای سلێمانیش له‌سه‌ر ئاستی هه‌رێم زۆرترین گه‌شتیاری بۆ چوووه به‌ڵام شاری هه‌ولێر ژماره‌ی گه‌شتیارانی كه‌می كردوووه و ژماره‌ی گه‌شتیاری ئێرانیش له 25% كه‌می كردوووه.
هه‌روه‌ک ده‌سته‌ی گشتیی گه‌شت و گوزاری هه‌رێم ئاشكرای كردوووه هۆكاری كه‌م كردنی گه‌شتیار بۆ هه‌ولێر بۆ نه‌كردنه‌وه‌ی ڕێگای هه‌ولێر-که‌رکووک له پردێ ده‌گه‌ڕێته‌وه و كه‌م بوونی گه‌شتیاری ئێرانیش بۆ زیادكردنی رسومات له‌لایه‌ن ئێران له‌سه‌ر هاووڵاتییانی له كاتی گه‌شت بۆ ده‌ره‌وه‌ی ئێران ده‌گه‌ڕێته‌وه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment