به‌پێی هه‌واڵی کوردپرێس، کاژێر 8:20 خوله‌کی سه‌رله‌به‌یانیی ئه‌مڕۆ شه‌ممه‌ 2ی پووشپه‌ڕ بوومه‌له‌رزه‌یێک به‌ گۆڕی 4.4 پله‌ به‌ پێوه‌ری ڕیخته‌ر قه‌تووری هه‌ژانده‌وه‌.

چه‌قی بوومه‌له‌رزه‌که‌ له‌ 38.6 پانتاییی باکووری و 44.39 درێژاییی ڕۆژهه‌ڵات و له‌ قووڵاییی 10 کیلۆمه‌تری زه‌وین تۆمار کراوه‌.

هه‌ر له‌وباره‌وه‌ ئه‌میر عه‌باس جه‌عفه‌ری مودیرعامی به‌ڕێوه‌به‌رایه‌تیی قه‌یرانی ئازه‌ربایجانی ڕۆژئاوا ده‌ڵێت: به‌خته‌وه‌رانه‌ تاکوو ئێستا بوومه‌له‌رزه‌که‌‌ خه‌ساری گیانی و مادی به‌دواوه‌ نه‌بوووه‌.

قه‌توور‌ هه‌ڵکه‌وتوو له‌ ڕۆژئاوای شاری خوویه‌ و له‌گه‌ڵ وڵاتی تورکیا هاوسنووره‌.

کۆدی هه‌واڵنێر: 60103