به‌پێی هه‌واڵی کوردپرێس، جه‌بار ئه‌مین ئه‌ندامی شاندی سوید بۆ چاودێری له‌سه‌ر هه‌ڵبژاردنه‌کانى تورکیا ڕای‌گه‌یاند: په‌رله‌مانتاره‌کانی ئه‌و ١٧ وڵاته‌ که‌ چاودێری پرۆسه‌ی هه‌ڵبژاردنه‌کان ده‌که‌ن دابه‌ش ده‌کرێن به‌ سه‌ر شاره‌ جیاوازه‌کانی تورکیادا به‌ مه‌به‌ستی چاودێری کردنى کاتی ده‌نگدان و داخستنی بنکه‌کانی ده‌نگدان و هه‌ژمار کردنى ده‌نگه‌کان.

ناوبراو وتیشى: به‌شێکی ئه‌و په‌رله‌مانتارانه‌ شاندێکی چوار که‌سین که‌ له‌ لایه‌ن سه‌رۆکایه‌تیی په‌رله‌مانی سویده‌وه‌ ده‌ستنیشان کراون.

بڕیاره‌ ٢٤ى ئه‌م مانگه‌ هه‌ڵبژاردنى پێشوه‌خته‌ى په‌رله‌مانى و سه‌رۆکایه‌تى له‌ تورکیا به‌ڕێوه ‌بچێت.

سه‌رچاوه‌: ئێن ئاڕتی

کۆدی هه‌واڵنێر: 60103