به‌پێی هه‌واڵی کوردپرێس، ڕۆژی چوارشه‌ممه 20ی حوزه‌یران حه‌یده‌ر عه‌بادی له وتاری ھه‌فتانه‌ی خۆیدا داوای له لایه‌نه سیاسییه‌کان کرد له یه‌کلایی کردنه‌وه‌ی پرسی ھه‌ڵبژاردنه په‌رله‌مانییه‌که‌ی ١٢ی ئایاردا ڕێز له چوارچێوه ده‌ستوورییه‌کان بگرن.
سه‌رۆک وه‌زیرانی عێراق داواشی له ده‌سه‌ڵاتی دادوه‌ری کرد فه‌رمانی ده‌ستگیرکردن بۆ ئه‌وانه ده‌ربکه‌ن که له ھه‌ڵبژاردنه‌کاندا ساخته‌کارییان کردوووه.
ناوبراو وتیشی: "تا دادگای باڵای فیدراڵی ئه‌نجامه‌کانی ھه‌ڵبژاردن په‌سه‌ند نه‌کات کاری حکوومه‌تی ئێستا کۆتایی پێنایه‌ت و به‌روه‌دام ده‌بێت."
عه‌بادی جه‌ختیشی کرده‌وه ھیچ ھه‌ماھه‌نگییێک له نێوان به‌غدا و ئه‌نقه‌ره‌دا نییه سه‌باره‌ت به‌و ھێرشانه‌ی سوپای تورکیا ده‌یکاته سه‌ر گه‌ریلاکانی پارتی کرێکارانی کوردستان (په‌که‌که) له قه‌ندیل.
سه‌رچاوه: خه‌ندان
کۆدی هه‌واڵنێر: 60103
Your Comment