به‌پێی هه‌واڵی کوردپرێس، له‌ راگه‌یه‌ندراوێکی کۆمیسیۆندا که‌ ڕۆژی 20ی حوزه‌یرانی 2018 بڵاوی کردوووه‌ته‌وه‌ هاتوووه‌ ئاگاداری سه‌رجه‌م لایه‌نه‌ په‌یوه‌ندیدار و قه‌واره‌ سیاسییه‌کان ده‌کاته‌وه‌ که‌ واده‌ی تۆمارکردنی هاوپه‌یمانێتی درێژ کراوه‌ته‌وه‌ "بۆ دووشه‌ممه‌ کاتژمێر ١١:٠٠ی پێشنیوه‌ڕۆ رێکه‌وتی ٢٥/٦/٢٠١٨."

هه‌ر له‌وباره‌وه‌ شۆڕش حه‌سه‌ن به‌ڕێوه‌به‌ری‌ ڕاگه‌یاندنی‌ كۆمیسیۆنی‌ باڵای‌ هه‌ڵبژاردن و ڕاپرسیی‌ هه‌رێم ده‌ڵێت: ڕۆژی 20ی حوزه‌یران ئه‌نجومه‌نی كۆمیسیاران بڕیاری دا به‌ درێژكردنه‌وه‌ی واده‌ی تۆمار كردنی هاوپه‌یمانێتیی نێوان لایه‌نه‌کان بۆ په‌رله‌مانی كوردستان تاوه‌كوو دووشه‌ممه‌ی داهاتوو کاتژمێر ١١ی پێشنیوه‌ڕۆ.

بڕیاره‌ ٣٠ی مانگی (ئه‌یلوول/٩)ی ئه‌مساڵ هه‌ڵبژاردنی په‌رله‌مانی كوردستان به‌ڕێوه ‌بچێت و تا ئێستاش ٣٨ قه‌واره‌ خۆیان تۆمار كردوووه‌ بۆ به‌شداری كردن له‌و هه‌ڵبژاردنه‌دا.

سه‌رچاوه‌: خه‌ندان

کۆدی هه‌واڵنێر: 60103