بەپێی هەواڵی کوردپرێس، له‌به‌یاننامه‌یێكدا شانه‌ی سه‌ربازیی عێراق رایگه‌یاند: له‌رێگه‌ی فرۆكه‌ی F-16ه‌وه‌، بنكه‌ و باره‌گاكانی تیرۆرستانی داعش له ‌سنووری زنجیره‌ چیای حه‌مرین بۆردوومان کراوە و بەهۆیەوە دەیان چەکداری داعش کوژراون.

بەیاننامەکە ئاماژەی بەژمارەی دیاریکراوی کوژراوانی داعش نەکردووە، بەڵام جەختی کردۆتەوە لەو بۆردوومانەدا دەیان چەکداری داعش کوژراون.

هه‌رچه‌نده‌ له‌ساڵی 2017-ه‌وه‌ كۆتایی هاتنی چه‌كدارانی داعش له‌ عێراق راگه‌یه‌ندراوه‌، به‌ڵام تا ئێستا ناوبەناو له‌ ناوچه‌ جێناكۆكه‌كان هێرشه‌كانیان بۆ سه‌ر هێزه‌ ئه‌منییه‌كان و هاوڵاتیانی مه‌ده‌نی به‌رده‌وامی هه‌یه‌، به‌رپرسانی سه‌ربازیش هۆكاره‌كه‌ی بۆ بوونی بۆشایی ئه‌منی له‌ناوچانه‌دا دەگەڕێننەوە.

کۆدی هەواڵنێر: 60113