کوردپرێس: فەخرەددین کۆجا وەزیری تەندروستیی تورکیا لە هەژماری تایبەتی خۆی لە توویتەر رایگەیاند: دوای ئەوەی هاووڵاتییێکمان لە دەرەوەی وڵات گەڕاوەتەوە پشکنینی بۆ کراوە و دەرکەوتووە کە هەڵگری ڤایرۆسی کۆرۆنایە.

ناوبراو دوائاماری توشبوون بەو ڤایرۆسەی لە تورکیا ئاشکرا کرد و گوتی: لە ئێستادا ٦ تووشبووی کۆرۆناڤایرۆس لە وڵاتدا تۆمار کراوە.

دوای زیاتر لە دوو مانگ لە سەرهەڵدانی کۆرۆنا لە شاری ووهانی چین و بڵاوبوونەوەی لە زۆربەی وڵاتانی جیهان، وەزیری تەندروستیی تورکیا لە 11-3-2020 یەکەم تووشبووی کۆرۆنای لە وڵاتەکەی پشتڕاست کردەوە.

بەپێی دوایین ئامارەکانی ڕێکخراوی تەندروستیی جیهانی، تاوەکوو ئێستا 155 هەزار و 423 کەس تووشی ڤایرۆسی کۆرۆنا بوون و لەو ژمارەیەش 5 هەزار و 802 کەس گیانیان لەدەستداوە و 72 هەزار و 590 کەسی دیکەش چاکبوونەتەوە.

کۆدی هەواڵنێر: ٦۰۱۰۳