به‌پێی هه‌واڵی کوردپرێس، ئاماده‌كاری بۆ خۆپیشاندانێكی گه‌وره ده‌كرێت له قه‌زای خانه‌قینی سه‌ر به پارێزگای دیاله له دژی ئه‌و پێشێلكارییه ئه‌منییانه‌ی له ناوچه‌كه‌دا ده‌كرێت له‌گه‌ڵ ڕووداوه‌كانی چه‌ند ڕۆژی ڕابردوودا و هه‌روه‌ها به‌نیازن بۆ پاراستنی ناوچه‌كه‌یان داوای گه‌ڕانه‌وه‌ی هێزی پێشمه‌رگه و ئاسایش ده‌كه‌ن.
هه‌ر له‌وباره‌وه جه‌بار یاوه‌ر ئه‌مینداری گشتیی وه‌زاره‌تی پێشمه‌رگه ده‌ڵێت: "هه‌ر كاتێک ڕه‌زامه‌ندی وه‌رگیرا بۆچوونی هێزی پێشمه‌رگه بۆ ناوچه‌كانی خانه‌قین و له‌لایه‌ن سه‌رۆكایه‌تیی ئه‌نجومه‌نی وه‌زیرانه‌وه ئه‌و فه‌رمانه درا ئه‌وكاته وه‌زاره‌تی پێشمه‌رگه فه‌رمانه‌كه جێبه‌جێ ده‌كات."
ناوبراو سه‌باره‌ت به‌وه‌ی هیچ داواكاریێک ئاراسته‌ی وه‌زاره‌تی پێشمه‌رگه كراوه بۆ گه‌ڕانه‌وه‌ی هێزی پێشمه‌رگه وتی: "تا ئێستا هیچ داواكارییێكی له‌و شێوه نه له وه‌زاره‌تی پێشمه‌رگه و نه له سه‌رۆكایه‌تیی ئه‌نجومه‌نی وه‌زیرانی هه‌رێمیش نه‌كراوه."
سه‌رچاوه: تۆڕی هه‌واڵی سلێمانی (SNN)
کۆدی هه‌واڵنێر: 60103
Your Comment