کوردپرێس:
مت داس ڕاوێژکاری باڵای برنی سه‌نده‌رز پاڵێوراوی دیموکراتییه‌کانی ئه‌مریکا بۆ هه‌ڵبژاردنه‌کانی سه‌رۆکایه‌تیی کۆماری ساڵی 2020ی ئه‌و وڵاته که ڕکابه‌ری سه‌ره‌کیی دۆناڵد تره‌مپیشه ڕای‌ده‌گه‌یێنێت: ده‌وڵه‌تی سه‌ندرز له ئاینده‌دا هه‌وڵی چاره‌کردنی کێشه‌ی کورده‌کانی تورکیا و سووریا ده‌دات.
ئه‌و ڕاوێژکاره‌ی سه‌نده‌رز به گۆڤاری نه‌شناڵ ئه‌نته‌رسه‌تی وتووه: ده‌وڵه‌تی سه‌ندرز هه‌وڵ ده‌دات ڕووبه‌ڕووبوونه‌وه‌ی نێوان کورد و ده‌وڵه‌تی تورکیا نه‌مێنێت. به ڕای من یارمه‌تیدانی کوردی تورکیا و سووریا له به‌رژه‌وه‌ندیی ئه‌مریکایه.
ناوبراو له‌باره‌ی چۆنیه‌تیی مامه‌ڵه‌کردنی ده‌وڵه‌تی سه‌ندرز له‌گه‌ڵ پرسی کوردی تورکیا و سووریا ده‌شڵێت: پێش هه‌موو شت زه‌مینه‌ی پێویست بۆ ئه‌و مه‌سه‌له‌یه فه‌راهه‌م بکرێت و پاشان مه‌ترسی و قازانجی ئه‌و کاره تاوتوێ بکرێت.
Your Comment