بەپێی هەواڵی کوردپرێس، رەجەب تەیب ئەردۆغان، سەرۆک کۆماری تورکیا بە ئاماژەدان بە هێرشی ئەرتەشی سووریا بۆ سەر بنکەکانی سوپای تورکیا و گۆڕانکارییەکانی ئیدلیب رایگەیاند: دەتوانین تا کۆتایی ئەم مانگە سوپای سووریا لە ئیدلب دەربکەین و لە هەموو شوێنێکی سووریا هێرش بکەینە سەر رژێمی سووریا.

ناوبراو راشیگەیاند: سووریا و رووسیا لە هێرشەکانیان بەردەوامن و ئێمەش بێ دەنگ نابین بەرامبەر هیچ پێشێلکارییێک.

ئەردۆغان ئاماژەی بەوەش کرد، تورکیا هەموو شتێک دەکات تاوەکوو سوپای سووریا لە ئیدلب دووربخاتەوە.

بەگوێرەی نووسراوەی CNNTURK، ئەردۆغان لە درێژەی وتەکانیدا ئاشکراشی کرد: لە شوێنێکدا کە خوێنی سەربازانی تورکیا بڕێژرێت هیچ کەس ئاسایشی نابێت. ئەمەش بە ڕاشکاوانە دەڵێم لە هەموو هێزەکانمان کەڵک وەردەگرین. بەرخۆدانی میللەتی سووریا، بەرخۆدانیشە بۆ مانەوەی 82 ملیۆن مرۆڤ لە تورکیا.

کۆدی هەواڵنێر: 60113