به‌پێی هه‌واڵی کوردپرێس، ئاراس عابید جێگری سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه له لێدوانێكدا به SNNی ڕاگه‌یاند: بۆ پڕۆژه‌یاسای تاقانه‌كانی كیمیاباران، سوودمان له ئه‌زموونی ئه‌و وڵاتانه‌ی‌تر وه‌رگرتوووه كه كاره‌ساتی وه‌ک هه‌ڵه‌بجه‌یان به سه‌ردا هاتوووه.
ناوبراو وتیشی: پڕۆژه‌كه سه‌رجه‌م تاقانه‌كانی جینۆساید و ئه‌نفالكراوان و كیمیاباران ده‌گرێته‌وه چوونكه تاقانه‌كان زیاد له هه‌موو كه‌س نه‌هامه‌تیان بینیوه و ئه‌وه بوو پڕۆژه‌كه له ساڵی 2015 جێبه‌جێ كرا.
ئاراس عابید كه خۆی تاقانه‌یێكی كیمیابارانی شاری هه‌ڵه‌بجه‌شه ده‌ڵێت: "جێگه‌ی نیگه‌رانییه له ناو په‌رله‌مان و له وه‌زاره‌تی شه‌هیدان و ئه‌نفالكراوان ده‌ستكاریی خاڵی جه‌وهه‌ری پرۆژه‌كه كرا كه ئه‌ویش پێناسه‌ی پرۆژه‌كه بوو و له هه‌رێمی كوردستاندا 167 تاقانه هه‌یه که ئێستا به ده‌ستكاری كردنی ئه‌و پرۆژه‌یاسایه بۆته 400 تاقانه.
کۆدی هه‌واڵنێر: 60103
Your Comment