به‌پێی هه‌واڵی کوردپرێس، ئه‌یاد عه‌لاوی سه‌رۆكی هاوپه‌یمانی وه‌ته‌نییه‌ له‌ ڕاگه‌یه‌ندراوێكدا داوای له‌ سه‌رجه‌م لایه‌نه‌ سیاسییه‌كانی عێراق كردوووه‌ كه‌ هه‌وڵه‌كانیان بۆ پێكهێنانی حكوومه‌تی نوێ چڕ بكه‌نه‌وه‌ و هاوكات داواشی له‌ لایه‌نه‌ سیاسییه‌كانی كوردی براوه‌ی هه‌ڵبژاردنی عێراق كردوووه‌ له‌و پرۆسه‌ سیاسییه‌ نوێیه‌ی عێراقدا به‌شدار بن.

هاوكات بڕیاره ‌له‌ چه‌ند ڕۆژی داھاتوودا شاندێكی ھاوبه‌شی پارتی دیموكراتی كوردستان و یه‌كێتیی نیشتمانیی كوردستان به‌ مه‌به‌ستی ئه‌نجامدانی گفتوگۆ بۆ پێكھێنانی حكوومه‌تی نوێی عێراق سه‌ردانی به‌غدا بكه‌ن.

جێی ئاماژه‌یه‌ زیاتر له‌ مانگێک به‌ سه‌ر ھه‌ڵبژاردنی په‌رله‌مانی عێراق تێپه‌ڕیوه‌ به‌ڵام به‌ھۆی ناكۆكیی لایه‌نه‌كان ھێشتا ئاسۆیێک بۆ ڕێككه‌وتن له‌سه‌ر پێكھێنانی حكوومه‌ت نییه‌ .

سه‌رچاوه‌: Kurdistan TV

کۆدی هه‌واڵنێر: 60103