کوردپرێس:
به‌گوێره‌ی راگه‌یه‌ندراوێكی سه‌رۆكایه‌تی هه‌رێم، ئێواره‌ی ئه‌مڕۆ شه‌ممه له به‌غدا نێچیرڤان بارزانی، سه‌رۆكی هه‌رێمی كوردستان له‌گه‌ڵ محه‌مه‌د حه‌لبوسی، سه‌رۆكی ئه‌نجومه‌نی نوێنه‌ران كۆبوه‌وه.
له كۆبونه‌وه‌كه‌دا گفتوگۆ سه‌باره‌ت به كۆی پێشهاته‌كانی بارودۆخی وڵات و چه‌ند پرسێكی جێی بایه‌خی هاوبه‌ش كرا و جه‌خت له‌سه‌ر گرنگیی به‌رده‌وامیی گفتوگۆ بۆ چاره‌سه‌ركردنی كێشه هه‌ڵپه‌سێردراوه‌كان به‌پێی ده‌ستور و جێبه‌جێكردنی به‌نده‌كانی یاسای بودجه‌ی فیدراڵی كرایه‌وه كه به‌مدواییه په‌سه‌ند كرا به جۆرێك مافی هاوڵاتیانی عێراق بپارێزێت.
له كۆبوونه‌وه‌كه‌دا ئاماژه به گرنگیی ئه‌نجامدانی هه‌ڵبژاردنی پێشوه‌خته له واده‌ی دیاریكراوی خۆیدا و ڕه‌خساندنی كه‌شێكی له‌بار بۆ ئه‌نجامدانی كرایه‌وه به جۆرێك هاوڵاتیان نوێنه‌رانی خۆیان به ئیراده‌یه‌كی ئازاد هه‌ڵبژێرن و متمانه‌یان به ئه‌نجامه‌كه‌ی پته‌و بكات.
Your Comment