به‌پێی هه‌واڵی کوردپرێس، كاتێک نێچیرڤان بارزانی سه‌رۆكی حكوومه‌تی هه‌رێم كۆمیسیۆنی ڕاسپارد بۆ ئه‌نجامدانی هه‌ڵبژاردنی په‌رله‌مانی كوردستان له 30ی 9ی 2018 كۆمیسیۆن هیچ كاردانه‌وه‌یێكی نه‌بوووه و به بڕیاره‌كه ڕازی بوووه له كاتێكدا به‌پێی یاسا ده‌بێت هه‌ر دوو هه‌ڵبژاردنی سه‌رۆكی هه‌رێم و په‌رله‌مان به‌یه‌كه‌وه بكرێت.
ته‌لار له‌تیف ئه‌ندامی لیژنه‌ی یاسایی له په‌رله‌مانی كوردستان به SNNی ڕاگه‌یاند: به‌پێی مادده‌ی چوار له یاسای ژماره 1ی ساڵی 2005 ده‌بێت هه‌ر دوو هه‌ڵبژاردنی سه‌رۆكی هه‌رێم و په‌رله‌مانی كوردستان به‌یه‌كه‌وه بكرێت بۆیه نووسراوه‌كه‌ی بارزانی كه ناردوویه‌تی بۆ كۆمیسیۆن و ته‌نیا هه‌ڵبژاردنی په‌رله‌مانی كوردستانی دیاری كردوووه پێچه‌وانه و پێشێل كردنی یاسایه.
ناوبراو وتیشی: "ئه‌نجام نه‌دانی هه‌ڵبژاردنی سه‌رۆكی هه‌رێم كێشه‌ی یاسایی بۆ خولی پێنجه‌می په‌رله‌مانی كوردستان دروست ده‌كات چوونكه دابه‌ش كردنی ده‌سه‌ڵاته‌كانی سه‌رۆكی هه‌رێمیش به سه‌ر هه‌ر سێ دامه‌زراوه‌ی یاسادانان و جێبه‌جێ كردن و دادوه‌ری تاوه‌كوو هه‌ڵبژاردنی په‌رله‌مانی كوردستانه بۆیه ئه‌گه‌ر هه‌ڵبژاردن بۆ سه‌رۆكی هه‌رێم نه‌كرێت له خولی داهاتووی په‌رله‌ماندا ڕووبه‌ڕووی كێشه‌ی یاسایی ده‌بینه‌وه و ناتوانرێت هیچ یاسایێک ده‌ربكرێت."
ئه‌ندامه‌كه‌ی لیژنه‌ی یاسایی له په‌رله‌مانی كوردستان ده‌ڵێت: "پێویسته په‌رله‌مانی كوردستان لێپێچینه‌وه له‌گه‌ڵ كۆمیسیۆن بكات بۆچی وه‌ڵامی سه‌رۆكی حكوومه‌تیان نه‌داوه‌ته‌وه كاتێک ته‌نیا ڕاسپارده‌كه‌ی بۆ هه‌ڵبژاردنی په‌رله‌مانی كوردستان كردوووه."
ته‌لار له‌تیف ڕاشیگه‌یاند: "ئه‌نجامدانی هه‌ر سێ هه‌ڵبژاردنی سه‌رۆكی هه‌رێم، په‌رله‌مانی كوردستان و ئه‌نجومه‌نی پارێزگاكان له یه‌ک كاتدا كارێكی باشه له ڕووی كارگێڕی و دارایییه‌وه به‌ڵام ئه‌گه‌ر كۆمیسیۆن بتوانێت پێكه‌وه ئه‌و سێ هه‌ڵبژاردنه بكات."
کۆدی هه‌واڵنێر: 60103
Your Comment