کوردپرێس:

سەرهەنگ محەمەد گەلوانی فەرماندەی ئینتزامیی چاڵدران لە لێدوانێکدا ئاکاژەی بە هەڵمەتێکی بە بارمتەگیرانی 20 هاووڵاتیی بیانی لە چاڵدران کرد و ڕایگەیاند لە هەڵمەتێکی پۆلیسیدا بارمتەگیراوان ئازاد کران و تیمی بارمتەگر دەستبەسەرکران.

فەرماندەی ئینتزامیی چاڵدران لەو بارەیەوە زیادی کرد: بە ئوپەراسیۆنێکی هەواڵگری لەبارەی شوێنی خۆحەشاردانی بارمتەگران زانیاریی پێویستمان دەست کەوت و بە هەڵمەتێکی پۆلیسی ئینتزامی 20 هاووڵاتییە بارمتەگیراوەکە ئازاد کران.

ناوبراو ئاشکراشی کرد: لەو ئوپەراسیۆنەدا 4 کەس دەستبەسەر کران و پاش تۆمارکردنی دۆسیە، ڕادەستی مەرجەعی داد کران.