به‌پێی هه‌واڵی کوردپرێس، ماڵپه‌ڕی "روسیه‌ الیوم" له‌ زاری وه‌زاره‌تی به‌رگریی که‌نه‌داوه‌ بڵاوی کرده‌وه‌ له‌به‌رئه‌وه‌ى شه‌ڕی داعش کۆتایی هاتوووه‌ ئێواره‌ى دوێنێ هه‌ینی 8ی حوزه‌یران که‌نه‌دا بڕیاری داوه‌ هاوکارییه‌ سه‌ربازییه‌کان و مه‌شق و ڕاهێنانه‌کانی هێزه‌کانى پێشمه‌رگه‌ ڕاگرێت.

وه‌زاره‌تی به‌رگریی که‌نه‌دا ڕای‌گه‌یاندوووه‌ له‌ ماوه‌ى شه‌ڕی داعشدا هاوکارییه‌کانى وڵاته‌که‌ى بۆ پێشمه‌رگه‌ و هێزه‌ عێراقییه‌کان کاریگه‌رییێکی دیاری هه‌بوووه‌ له‌ وه‌ستاندنی پێشڕه‌وییه‌کانى داعش.

وه‌زاره‌تی به‌رگریی که‌نه‌دا ڕاشی‌گه‌یاندوووه‌ له‌مه‌ولا ئه‌و ڕاوێژکار و هێزه‌ سه‌ربازییانه‌ى له‌ عێراق ده‌مێننه‌وه‌ به‌ هه‌ماهه‌نگیى حکوومه‌تى به‌غداوه‌ ده‌بێت نه‌ک هێزه‌کانی پێشمه‌رگه‌.

ئه‌مه‌ش له‌ کاتێکدایه‌ که‌نه‌دا یه‌کێک بوو له‌ وڵاتانی هاوپه‌یمانى نێوده‌وڵه‌تیی دژى داعش و له‌ ماوه‌ى شه‌ڕه‌که‌شدا سێ جار هێزه‌کانی له‌ عێراق زیاتر کرد و له‌ ئێستادا ده‌یان ڕاوێژکاریی سه‌ربازی له‌ عێراقدا ماون.

سه‌رچاوه‌: ئێن ئاڕتی

کۆدی هه‌واڵنێر: 60103