به‌پێی هه‌واڵی کوردپرێس، وته‌بێژی كۆمپانیای فڕۆكه‌سازی بۆئینگی ئه‌مریكی ڕای‌گه‌یاند: پاش ئه‌وه‌ی كه‌ دۆناڵد تره‌مپ سه‌رۆكی ئه‌مریكا بڕیاری كشانه‌وه‌ی له‌ ڕێككه‌وتنه‌ ئه‌تۆمییه‌كه‌ له‌گه‌ڵ ئێران دا كۆمپانیای فڕۆكه‌سازی بۆئینگ ئیتر بۆی نییه‌ له‌گه‌ڵ ئێران گرێبه‌ستی هه‌بێت هه‌ر بۆیه‌ گرێبه‌سته‌كه‌ی له‌گه‌ڵ تاران هه‌ڵوه‌شاندۆته‌وه‌.

ئه‌مه‌ له‌ كاتێكدایه‌ ستیۆن منوچین وه‌زیری خه‌زێنه‌ی ئه‌مریكا ڕای‌گه‌یاندوووه‌ هیچ كۆمپانیایێكی ئه‌مریكی به‌ تایبه‌تی بۆئینگ و ئێرباس بۆیان نییه‌ له‌گه‌ڵ ئێران گرێبه‌ستیان هه‌بێت.

شایانی باسه‌؛ كۆمپانیای فڕۆكه‌سازی بۆئینگ ساڵی 2016 گرێبه‌ستی فرۆشتنی 80 فڕۆكه‌ی نه‌فه‌رهه‌ڵگری له‌گه‌ڵ ئێران ئیمزا كردبوو و هه‌روه‌ها كۆمپانیای ئێرباس گرێبه‌ستی فرۆشتنی 100 فڕۆكه‌ی له‌گه‌ڵ ئێران ئیمزا كردبوو كه‌ به‌م شێوه‌یه‌ هه‌ر دوو گرێبه‌سته‌كه‌ هه‌ڵده‌وشێته‌وه‌.

کۆدی هه‌واڵنێر: 60103