بەپێی هەواڵی کوردپرێس، جەنراڵ هولوسی ئاکار، سەرۆکی ئەرکانی هێزە چەکدارەکانی تورکیا لە پێوەندییێکی تەلەفۆنیدا لەگەڵ جەنراڵ دانفۆرد، سەرۆکی ئەرکانی هێزە چەکدارەکانی ئەمریکا دواهەمین گۆڕانکارییەکانی سووریایان تاوتوێ کرد.

عەمید پاتریک ڕایدر، وتەبێژی ئەرکانی فەرماندەیی هێزە چەکدارەکانی ئەمریکا لە وتەکانیدا ئاماژەی دا بە ئەو پێوەندییە تەلەفۆنییە و ڕایگەیاند: ئەو دوو فەرماندە لەبارەی درێژەی دانووستانی دوولایەنە لەسەر دۆخی سووریا و ڕێگاچارەی شکستی گرووپە تیرۆریستییەکان گفتوگۆیان کردووە. تورکیا و ولایەتە یەکگرتووەکانی ئەمریکا 2 ئەندامی سەرەکیی ناتۆن و پێوەندیی سەربازیی پتەو لە نێوانیاندا هەیە.

سەرچاوە: CNN TURK

کۆدی هەواڵنێر: 60113