بەپێی هەواڵی کوردپرێس، وەزارەتی دەرەوەی ئەمریکا لە ڕاپۆرتی ساڵانەی (ئازادییە ئایینییەکان) بۆ ساڵی 2017 کە ڕۆژی سێ شەممەی ڕابردوو بڵاو بووەوە، جارێکی تر تۆمەتەکانی دووپات کردەوە و ئێران بە پێشێل کردنی ئازادییە ئایینییەکان تۆمەتبار کرد.
بەهرام قاسمی وتەبێژی وەزارەتی دەرەوەی ئێران ڕۆژی پێنجشەممە وتیشی: دەوڵەتی ئەمریکا بەنیازی کەڵکوەرگرتنی سیاسی لە بوونی فرەئایینی لە هێندێک لە وڵاتانی جیهانە و دەوڵەتی ئەو وڵاتە تەنانەت بۆچوونێکی ڕێک و ڕاستبینانەی لە بارەی ڕەوشتی نێوخۆیی وڵاتان بە تایبەت لە بارەی هەل و مەرجی حەشیمەتی و ئاینیییان نییە.
بەهرام قاسمی وتەبێژی وەزارەتی کاروباری دەرەوەی ئێران وێڕای پێداگری لە سەر ئەمەی کە جەماوەری ئێران، بە کەڵکوەرگرتن لە شارستانییەت و کلتوورێکی دەوڵەمەند، لە هەزاران ساڵ لەمەوبەرەوە هەتاکوو ئێستا بە تەواوی ئەتنیک و ئایینەکانیەوە لە کەشێکی بەتەواوی ئاشتیانە و برایانە دەژین، وتیشی: دوای سەرکەوتنی شۆڕشی ئیسلامیش شوێنکەوتووانی تەواوی ئایینەکان بەگوێرەی یاسای بنەڕەتی و لە چوارچێوەی یاسادا، کاروباری ئایینیی خۆیان لە ناوەندە جۆربەجۆرە ئایینییەکان لە سەرتاسەری ئێران بەڕێوە دەبەن و یاسای کۆماری ئیسلامیی ئێرانیش پاسەوانی لەم ئازادییانە دەکات.
کۆدی هەواڵنێر: 60113
Your Comment