به‌پێی هه‌واڵی کوردپرێس، حازم ردینی لەو بارەوە رایگەیاند كە كۆمسیۆن تاوتوێی بڕیارەكانی پەرلەمانی عێراق دەكات لەبارەی ئەنجامی هەڵبژاردنی 12ی ئایار دەری كردوووە.

حازم ردینی راشی‌گەیاند: كۆمیسیۆن لە رووی هونەری ‌و تەكنیكی ‌و لایەنی جێبەجێ كردنیشەوە، تاوتوێی بڕیارەكانی پەرلەمان دەكات.

پەرلەمانی عێراق رۆژی دووشەممە چەند بڕیارێكی لەبارەی ئەنجامی هەڵبژاردن دەركرد، لەوانە رەت كردنەوەی ئەنجامی هەڵبژاردن لە دەرەوەی وڵات ‌و كەمپی ئاوارەكان، ئەژماركردنەوەی 10%ی ئەنجامی هەڵبژاردن بەدەست.

بڕیارە ئەمڕۆ سێشەممە ئەنجومەنی كۆمیسیارانی كۆمسیۆنی باڵای هەڵبژاردنەكان، كۆبوونەوەیێک ئەنجام بدات‌ و لەو بارەوە هەڵوێستی خۆی بە فەرمی رابگەیێنێت.

بەهۆی ئەوەی گوایە لە هەڵبژاردنی پەرلەمانی عێراق "ساختەكاری" كراوە، پەرلەمانی عێراق لێكۆڵینەوەی كردوووە و ئەو بڕیارانەی دەركردوووە و ئەگەر هەڵوەشانەوەی ئەنجامی هەڵبژاردنیش ئەگەرێكی بەهێزە.

کۆدی هه‌واڵنێر: 60104