به‌پێی هه‌واڵی کوردپرێس، عه‌بدوڵڵا نائلی له‌و باره‌وه‌ به‌ هه‌واڵده‌ریی مه‌علوومه‌ی وت: دوو حیزبی دیموکرات و یه‌کێتی هیچ پێشمه‌رجێکیان بۆ هاوپه‌یمانی له‌گه‌ڵ هاوپه‌یمانیی ده‌وڵه‌تی یاسا دیار نه‌کردوووه‌.

ناوبراو زیادیشی کرد: ئێستا هه‌وڵه‌کان له‌ لایه‌ن ئه‌و هاوپه‌یمانییه‌ له‌گه‌ڵ دیکه‌ی حیزبه‌کان بۆ پێکهێنانی گه‌وره‌ترین فراکسیۆنی په‌رله‌مانی له‌ ئارادایه‌.

نائلی زیادیشی کرد: کۆبوونه‌وه‌ی چوار قۆڵی ئه‌م دواییه‌ی نێوان نووری مالیکی، سه‌رۆکی هاوپه‌یمانیی ده‌وڵه‌تی یاسا، هادی عامری، سه‌رۆکی هاوپه‌یمانیی ئه‌لفه‌تح و دوو شاندی پارتی و یه‌کێتی، کۆبوونه‌وه‌یێکی ڕاوێژکاری بوووه‌.

کۆدی هه‌واڵنێر: 60104