بەپێی هەواڵی کوردپرێس، مەسروور بارزانی، سەرۆکی حکوومەتی هەرێمی کوردستان، پەیوەندییێکی تەلەفونی لە گەڵ نەسار ڕوبەیعی سەرۆکی دەستەی سیاسی ڕەوتی سەدر ئەنجام دا و سوپاس و پێزانینی خۆی بۆ پشتگیریی سەرکردایەتی ڕەوتی سەدر و ڕۆڵی کاریگەرییان لە تێپەڕاندنی یاسای بودجەی فیدراڵی دەربڕی.

سەرۆکی حکوومەتی هەرێم لەو پەیوەندییە تەلەفونییەدا، هیوای خواست، تێپەڕاندنی یاسای بوودجە، ببێتە هەنگاوێک بۆ چارەسەر کردنی هەموو کێشە و ناکۆکییەکانی نێوان حکوومەتی فیدراڵی و حکوومەتی هەرێمی کوردستان لە سەر بنەمای دەستوور.

هەروەها چەند رۆژێک پێش ئێستا جەعفەر ئیمینکی، ئەندامی مەکتەبی سیاسیی پارتی نزیکبوونەوەی پارتی و ڕەوتی سەدری ئاشکرا کرد و رایگەیاند، لەسەر ئاستی عێراق پارتی نزیکبوونەوەی لەگەڵ سەدرییەکان زیاترە.

کۆدی هەواڵنێر: 60113