مستەفا کازمی سەردانی سعوودیە دەکات

بەشی عێراق و هەرێمی کوردستان- مسته‌فا کازمی سه‌رۆک وه‌زیرانی عێراق ئەمڕۆ چوارشەممە به‌سه‌ردانێک ده‌گاته‌ ریازی پایته‌ختی سعوودیە.

بەپێی هەواڵی کوردپرێس، عه‌بدولعه‌زیز شه‌مه‌ری باڵیۆزی سعوودیه‌ له‌ عێراق رایگه‌یاند، سه‌ردانه‌که‌ی مسته‌فا کازمی بۆ شانشینی شانشینی یه‌کگرتووی سعوودیه‌ له‌ کاتێکی گرنگدایه‌ و کۆمه‌ڵێک پرسی سیاسی و ئه‌منی و ئابووری تاوتوێ ده‌کرێن و له‌ چه‌ند بوارێکیشدا ژماره‌یێک ڕێککه‌وتن واژۆ ده‌کرێن.

لای خۆییه‌وه‌ ڕاوێژکاری سه‌رۆک وه‌زیرانی عێراق رایگه‌یاند، سه‌ردانه‌که‌ی مسته‌فا کازمی له‌بارودۆخێکی تایبه‌ت و گرنگدا ئه‌نجام ده‌درێت، پێشتریش له‌لایه‌ن ئه‌ندامانی تیمی حکوومه‌ت و ئه‌نجومه‌نی هه‌ماهه‌نگی عێراق - سعودیه‌ رێکخراوه‌، تیمه‌که‌ش عه‌لی عه‌بدولئه‌میر عه‌لاوی جێگری سه‌رۆک وه‌زیران و وه‌زیری دارایی سه‌رۆکایه‌تی ده‌کات.

حسێن عه‌لاوی وتیشی، "سه‌ردانه‌که‌ی کازمی چه‌ند بابه‌تێکی بایه‌خدار بۆ هه‌ردوو وڵات له‌خۆ ده‌گرێت، له‌وانه‌ش چه‌ند ڕێگایێک بۆ چاره‌سه‌کردنی قه‌یرانه‌کانی ناوچه‌که‌ و هه‌ماهه‌نگیی ئابووری و پاڵپشتی کردن بواری گه‌شه‌پێدان و پلانی وه‌به‌رهێنان که‌ له‌لایه‌ن ده‌سه‌ڵاتی وه‌به‌رهێنانی نیشتمانیی عێراقه‌وه‌ پێشکه‌ش به‌کۆمپانیاکانی سعوودیه‌ ده‌کرێت، که‌ په‌یوه‌سته‌ به‌ئاسانکاری حکوومه‌تی عێراق بۆ کۆمپانیاکان".

کۆدی هەواڵنێر: 60113

News Code 1453

Your Comment

You are replying to: .
captcha