به‌پێی هه‌واڵی کوردپرێس، له‌ کارنامه‌ى بانگه‌شه‌ى هه‌ڵبژاردنیدا بۆ هه‌ڵبژاردنى سه‌رۆکایه‌تیى تورکیا سه‌ڵاحه‌دین ده‌میرتاش هاوسه‌رۆکی پێشووی پارتی دیموکراتی گه‌لان (هه‌ده‌په‌) ئاماژه‌ى به‌وه‌ کردوووه‌ توركیا بوووه ‌به ‌وڵاتێک كه ‌ئاینده‌ی نابینرێت و ده‌شڵێت پلانێكی به‌په‌له بۆ ده‌رباز بوونی تورکیا داده‌نێت.

ده‌میرتاش له‌باره‌ى سیاسه‌تى ده‌ره‌وه‌ى تورکیاش باسى له‌وه‌ کردوووه‌ ئه‌و سیاسه‌تی ده‌ره‌وه‌ له‌سه‌ر بنه‌مای چاره‌سه‌ر كردنی كێشه‌كان به‌ ڕێگاى گفتوگۆ و ئاشتییانه ‌به‌ڕێوه‌ ده‌بات و كۆتایی به ‌هه‌موو هه‌ڕه‌شه‌كان بۆ سه‌ر تورکیا دێنن.

جه‌ختیشی کردوووه‌ته‌وه‌ ده‌یه‌وێت كۆتایی به ‌سیسته‌می تاكه‌كه‌سی بهێنێت و بۆ زۆر ئه‌ركى دیکه‌ ده‌بێته‌ سه‌رۆک كۆمار به‌ڵام له ‌كۆتاییی ماوه‌ی خۆیدا به ‌چاكه‌ته‌كه‌ی خۆیه‌وه‌ ماڵئاوایی ده‌كات.

بڕیاره‌ ٢٤ی حوزه‌یرانی داهاتوو هه‌ڵبژاردنی سه‌رۆکایه‌تی و په‌رله‌مانیی تورکیا به‌ڕێوه‌ بچێت و سه‌ڵاحه‌دین ده‌میرتاش کاندیدی هه‌ده‌په‌یه‌ بۆ پۆستی سه‌رۆکایه‌تیی کۆماری تورکیا و به‌ پاڵێوراوێکی به‌هێزی ئه‌و هه‌ڵبژاردنه‌ له ‌قه‌ڵه‌م ده‌درێت که‌ ئێستا له ‌ناو زیندانی تورکیادایه‌.

سه‌رچاوه‌: ئێن ئاڕتی

کۆدی هه‌واڵنێر: 60103