به‌پێی هه‌واڵی کوردپرێس، سرووده‌که‌ى هه‌ده‌په به ناوى "ئێمه لێره‌ین" به زمانى کوردییه و تایبه‌ته به هه‌ڵمه‌تى بانگه‌شه‌ى هه‌ڵبژاردنى پێشوه‌خته‌ى تورکیا که بڕیاره له ٢٤ى حوزه‌یرانى ئه‌مساڵدا به‌ڕێوه بچێت.
سه‌ڵاحه‌دین ده‌میرتاش که کاندیدى هه‌ده‌په‌یه بۆ هه‌ڵبژاردنى سه‌رۆکایه‌تیی کۆماری تورکیا و ماوه‌ى زیاتر له ساڵێکه له زینداندایه ڕای‌گه‌یاندوووه: گه‌ل له پشتى ده‌وه‌ستێت و له‌به‌ر ئه‌وه‌ى له زینداندایه پێویسته هه‌موو ماڵێک ببێته که‌مپینى بانگه‌شه‌ى هه‌ڵبژاردنى.
ده‌میرتاش که له زیندانى ئه‌درنه‌وه بانگه‌شه‌ى هه‌ڵبژاردنى به‌ڕێوه ده‌بات ئاماژه‌ى به‌وه‌ش کردوووه ئه‌و دۆخه‌ى که ئه‌وى تێدایه پێشێلکارى ماف و ئازادییه و گومانى له‌وه نییه که خه‌ڵک پشتیوانى هه‌ڵمه‌تى هه‌ڵبژاردنى ده‌که‌ن.
سه‌رچاوه: ئێن ئاڕتی
کۆدی هه‌واڵنێر: 60103
Your Comment