بەپێی هەواڵی کوردپرێس، داواى ئازادکردنى دەمیرتاش پێشکەشی لقی ١٩ى دادگاى سزا قورسەکان کرا و داواکە لەلایەن پارێزەران ماحسونی کامەران، یڵدز ئیمرەک، رامەزان دەمیر، سەرتاش بولوت تەکین و ئایگیول دەمیرتاشەوە دراوەتە داداگاکە.
لەو داواکارییەدا پارێزەران داواى ئازاد کردنى دەمیرتاشیان بەمشێوەیە پێشکەش کردووە:
لەبەر ئەوەى دەمیرتاش هەم پەرلمانتارە و هەم بۆ هەڵبژاردنى سەرۆکایەتیى ٢٤ى جوون پاڵێوراوە و پاڵێورابوونەکەشى پەسەندکراوە، هەروەها لەبەر ئەوەى زیاتر لە ساڵێک و ٦ مانگە و لەبەر ئەوەى هیچ بەڵگەیێکى لەسەر نییە و دادگا لەو ماوەیەدا هیچى بۆ ساغ نەبووەتەوە، لەبەر ئەوەى پەرلەمانتار و پاڵێوراوی سەرۆکایەتییە و پاڵێوراوبوونەوەکەى پەسەند کراوە و هیچ گومانێکی زەق لەسەر هەڵهاتنى لەگۆڕێ نییە و لەبەر ئەو هۆکارانە داوا دەکەین دەمیرتاش ئازاد بکرێت.
سەرچاوە: حوڕیەت
کۆدی هەواڵنێر: 60113
Your Comment