به‌پێی هه‌واڵی کوردپرێس، پاش نیوه‌ڕۆی ئه‌مڕۆ شه‌ممه 12ی ئایار سه‌رۆکی لیستی وه‌ته‌نییه به سۆمه‌ریه نیووزی وت: ئه‌و ده‌نگده‌ره عێراقییانه‌ی که له ده‌ره‌وه‌ی وڵات گه‌ڕاونه‌ته‌وه ئیزنیان پێ نه‌دراوه له ده‌نگدانی په‌رله‌مانی ئه‌و وڵاته به‌شداری بکه‌ن هه‌ر بۆیه داوا ده‌کات که ئه‌م بابه‌ته قه‌ره‌بوو بکرێته‌وه و ئه‌و هاووڵاتییانه ڕوو بکه‌نه سندۆقی ده‌نگدان و ته‌نگه‌ژه‌کان که‌م بکرێته‌وه.
ناوبراو داواشی كرد په‌رله‌مانێک دروست بكرێت كه بتوانێت ئه‌ركی خۆی به باشی جێبه‌جێ بكات و وتیشی: ئه‌گه‌ر ئه‌و كاره نه‌كرێت ئه‌وا كێشه‌ی زۆر دروست ده‌بێت چوونكه چینێكی گه‌وره له كۆمه‌ڵگه‌ی عێراقی ڕێگه‌ی پێنه‌دراوه ده‌نگ بدات.
سه‌رۆکی ئیئتیلافی وه‌ته‌نییه ده‌شڵێت: ئه‌وان تاکوو ئێستا 15 سکاڵا له ئۆردۆن، دوو سکاڵا له تورکیا و 25 سکاڵایان له به‌غدا هاوپه‌یوه‌ند به سه‌رپێچی کردن له ده‌نگدانی هه‌ڵبژاردنی په‌رله‌مانی عێراق تۆمار کردووه.
کۆدی هه‌واڵنێر: 60103
Your Comment