به‌پێی هه‌واڵی کوردپرێس، کاتژمێر 7ی سه‌رله‌به‌یانیی ڕۆژی شه‌ممه 12ی ئایاری 2018 پرۆسه‌ی ده‌نگدانی گشتی له هه‌ڵبژاردنی خولی چواره‌می په‌رله‌مانی عێراق له‌و وڵاته و هه‌رێمی کوردستان ده‌ستی پێکرد و تا کاتژمێر 6ی ئێواره به‌رده‌وام ده‌بێت.
دوای ده‌نگدان، نه‌وزاد هادی پارێزگاری هه‌ولێر به ڕۆژنامه‌نووسانی ڕاگه‌یاند: له ناو چه‌ند بنکه‌یێکی ده‌نگدان له هه‌ولێر، سۆران، خه‌لیفان، هه‌ریر، رزگاری و خه‌بات کێشه‌ی ته‌کنیکی بۆ ده‌نگده‌ران دروست بوووه.
نه‌وزاد هادی داوای له کۆمسیۆنی باڵای سه‌ربه‌خۆی هه‌ڵبژاردنه‌کانی عێراق کرد کێشه‌کانی ئامێری ئه‌لیکترۆنیی ده‌نگدان چاره‌سه‌ر بکه‌ن و ڕای‌گه‌یاند: "پێویسته ھه‌موو خه‌ڵکێک مافی ده‌نگدانی ھه‌بێ و نابێ کێشه‌ی ته‌کنیکی دروست بکرێت."
پارێزگاری هه‌ولێر هیوای خواست ماوه‌ی ده‌نگدان درێژ بکرێته‌وه تاوه‌کوو هه‌موو ده‌نگده‌ران بتوانن ده‌نگی خۆیان بده‌ن و نوێنه‌ره‌کانیان هه‌ڵبژێرن.
سه‌رچاوه: لڤین پرێس
کۆدی هه‌واڵنێر: 60103
Your Comment