به‌پێی هه‌واڵی کوردپرێس، سه‌یید عه‌مار حه‌کیم له بازنه‌یێکی ده‌نگدانی به‌غدا ئاماده بوو و ده‌نگی خۆی خسته نێو سندۆقی ده‌نگدان و له دوای ده‌نگدان به هه‌واڵده‌ریی غه‌دپرێسی وت: کۆمیسیۆنی باڵای هه‌ڵبژاردن ڕێوشوێنێکی باشی بۆ به‌ڕێوه‌بردنی هه‌ڵبژاردنی بێگه‌رد و شه‌فاف گرتۆته‌به‌ر که ده‌بێ ده‌ستخۆشی له کۆمیسیۆن بکرێت چوونکه سه‌ره‌کیترین بابه‌ت به‌ڕێوه‌چوونی هه‌ڵبژاردنی بێگه‌رده.
ناوبراو ئاماژه به ڕاپرسیی هه‌ندێک له میدیاکان له‌باره‌ی ده‌رئه‌نجامی هه‌ڵبژاردن ده‌کات و ئه‌و ڕاپرسییه به ناڕاسته‌قینه وه‌سف ده‌کات و ڕای‌ده‌گه‌یێنێت: ئه‌گه‌ر ژماره‌ی کورسیی ڕاگه‌یێندراو له‌و ڕاپرسییانه بژمێرین ژماره‌ی کورسییه‌کان له کورسیی په‌رله‌مانی چینیش زۆرتر ده‌بێته‌وه.
سه‌یید عه‌مار حه‌کیم ده‌شڵێت: ئه‌مڕۆ هه‌موان سه‌ریان له ڕه‌وتی "الحکمه الوطنی"ی عێراق سوڕ ده‌مێنێت چوونکه ئێمه هێشتاکه پێبه‌ندین به‌و شته که ڕامان‌گه‌یاندوووه.
کۆدی هه‌واڵنێر: 60103
Your Comment