بەپێی هەواڵی کوردپرێس، عه‌بدولمه‌ھدی كه‌ربه‌لائی نوێنه‌ری سه‌ید عه‌لی سیستانی مه‌رجه‌عی باڵای شیعه‌كانی عێراق له وتاری ھه‌ینیدا له شاری كه‌ربه‌لا ھه‌ڵوێستی ئایەتوڵڵا سیستانی له‌سه‌ر ھه‌ڵبژاردنی رۆژی ١٢-٥ی ئه‌نجومه‌نی نوێنه‌رانی عێراق ده‌ربڕی و ڕایگه‌یاند كه ئایەتوڵڵا سیستانی پشتیوانی له هیچ لایه‌ن و قه‌واره ناكات و ده‌نگده‌ر سه‌ربه‌سته ده‌نگ به كێ ده‌دات، به‌ڵام ده‌نگ به‌و كه‌سانه مه‌ده‌ن فاشل و به گه‌نده‌ڵییه‌وه تێوه‌گلاون.
ئایەتوڵڵا سیستانی داواشی له ده‌نگده‌ران كردووه وریا بن نه‌كه‌ونه ته‌ڵه‌ی ھه‌ندێک كاندید و قه‌واره‌وه، پێویسته به ھۆشیارییه‌وه ده‌نگ بده‌ن.
ناوبراو ده‌ڵێت: عێراقییه‌كان ئه‌و كه‌س و قه‌وارانه ھه‌ڵبژێرن كه ده‌توانن به‌رنامه‌یێكی واقیعی دابنێن و جێبه‌جێی بكه‌ن، ئاماده‌ن له پێناوی ئه‌م نیشتمانه‌دا قوربانی بده‌ن و به‌رپرسیارێتی ھه‌ڵبگرن.
داواشی له حزب و قه‌واره عێراقییه‌كان به تایبه‌تی شیعه‌كان كردووه كه ناو و ناوبانگی ئه‌و و مه‌رجه‌عیه‌ت و شته پیرۆزه‌كان نه‌كه‌ن بانگه‌شه و ده‌سكه‌لای سیاسی.
کۆدی هەواڵنێر: 60113
Your Comment