بەپێی هەواڵی کوردپرێس، حەسەن دانایی فەر ڕاوێژکاری جێگری یەکەمی سەرۆک کۆماری ئێران و بەڕێوەبەری ئەرکانی گەشەی پێوەندییەکانی نێوان عێراق و ئێران ڕۆژی چوارشەممە لە شاری هەولێر ڕایگەیاند: ئامادە بوونی هەمە لایەنەی دەستە جیاوازەکان لەم کۆڕبەندەدا پیشان دەدات کە ئەم کۆڕبەندە دانیشتنێکی گرینگە بۆ گەشەی پێوەندیی ئابووری نێوان عێراق و ئێران بە تایبەت لە ناوچەی هەرێمی کوردستان.
باڵیۆزی پێشووی ئێران لە بەغدا زیادی کرد: پێوەندی خەڵکی ناوچە جیاوازەکانی عێراق لەگەڵ کۆماری ئیسلامیی ئێران پێوەندییێکی مێژوییە، بۆیەش بەڕێوەبەرانی ئەم کۆڕبەندە هەوڵدەدەن ئەم پێوەندییە مێژوییە لە باری ئابووریشەوە گەشە پێبدەن.
دانایی فەر وتیشی: کۆڕبەندی دەرفەتە ئابوورییەکانی نێوان ئێران و هەرێمی کوردستان دتوانێت خێراییێکی زیاتر بدات بە پێوەندییە ئابوورییەکانی عێراق و ئێران لە هەرێمی کوردستان.
کۆدی هەواڵنێر: 60113
Your Comment