بەپێی هەواڵی کوردپرێس، کۆبوونەوەی پێڕاگەیشتن بە دۆسیەی سەلاحەدین دەمیرتاش هاوسەرۆکی پێشووی پارتی دیموکراتیکی گەلان ئەمڕۆ لە حاڵێکدا لە دادگای 26ی سزادانی زیندانی سیلیوری ئەستەمبۆڵ بەڕێوە چوو کە دەمیرتاش بە هۆکاری پزیشکییەوە لە دادگا ئامادە نەبوو.

ئەو کۆبوونەوەیە کە بە ئامادەبوونی 60 پارێزەری سەلاحەدین دەمیرتاش و هەروەها نوێنەری پارتی دیموکراتیکی گەلان بەڕێوەچوو لە باەری وتەدانی دەمیرتاش و سری سورەیا ئوندەر لە نەورۆزی 2013 بوو. وتەدانی ئەو دوو سیاسەتوانە کوردە لەو مەراسیمەدا وەکوو «پشتگیری کردن لە تیرۆر و تووڕەیی نواندن» ناوی لێبرا و تۆمەتی «بانگەشە کردن بۆ گرووپە تیرۆریستییەکان» خرایە پاڵی و لەو دۆسیەدا بۆ هەریەکە لەو دوو سیاسەتوانە کوردە داوای 5 ساڵ زیندان کرا.

هەروەها سری سورەیا ئوندەر، نوێنری زیندانیی ئەنقەرە لە پەرلەمانی تورکیا و سەربە پارتی دیموکراتیکی گەلان لەو دادگایەدا ئامادە نەبوو، ئەوەش بە هۆکاری داخوازیی مۆڵەت بۆ کۆکردنەوەی بەرگرینامە خرایە دواوە.

سەرچاوە: هەواڵدەریی دۆغان

کۆدی هەواڵنێر: 60113