به‌پێی هه‌واڵی کوردپرێس، به‌پێی زانیارییه‌كانى سه‌رچاوه‌یێكی ئاگادار، حه‌یده‌ر عه‌بادی، سه‌رۆكى ئه‌نجومه‌نى وه‌زیرانى عێراقی فیدڕاڵ، بڕیارى هه‌ڵوه‌شاندنه‌وه‌ى وه‌زاره‌تى زانست و ته‌كنه‌لۆجیای ده‌ركرد.
ئاماژه‌ى به‌وه‌شدا، كه به‌پێی بڕیاره‌كه، ته‌نها ده‌سته‌یێكی بچووک ده‌مێنێته‌وه و په‌یوه‌ست ده‌كرێت به وه‌زاره‌تى خوێندنی باڵا و توێژینه‌وه‌ى زانستییه‌وه.
سه‌رچاوه‌كه له لێدوانێكیدا بۆ ماڵپه‌رى (شه‌فه‌ق نیوز)، گوتیشی: "به‌پێی فه‌رمانه دیوانییه‌كه، فه‌رمانبه‌رانى ئه‌و وه‌زاره‌ته ده‌گوازرێنه‌وه بۆ سه‌ر به‌ڕێوه‌به‌رایه‌تییه‌كانى خانه‌نشینی و باج و گومركی گشتی، له‌پێش كۆتایی هاتنى كابینه‌كه‌ش، فه‌رمانه‌كه جێبه‌جێ ده‌كرێت".
پێشتریش عه‌بادی له مانگى ئابى 2015 چه‌ند وه‌زاره‌تێكى هه‌ڵوه‌شانده‌وه و تێكه‌ڵ به وه‌زاره‌ته‌كانى ترى حكوومه‌ته‌كه‌ى كرد.
کۆدی هه‌واڵنێر: 60104
Your Comment