نوێنه‌ری خه‌ڵکی دێلۆران، ئابدانان، و ده‌ڕه‌شار له په‌رله‌مان سه‌باره‌ت به به‌ڵێنه‌کانی ده‌وڵه‌ت بۆ کردنه‌وه‌ی سنووری چیلاتی دێلۆران بۆ کوردپرێسی ڕاگه‌یاند: تا ئێستا چه‌ندین جار ده‌وڵه‌ت له ئه‌ربه‌عین و سه‌فه‌ری زیاره‌تکاران بۆ شوێنه پیرۆزه‌کان ڕای‌گه‌یاندوووه که سنووری چیلاتی دێلۆران ده‌کاته‌وه، به‌ڵام تا ئێستا ئه‌م هه‌وڵه جێبه‌جێ نه‌کراوه.
ناوبراو زیادیشی کرد: کردنه‌وه‌ی سنووری چیلات هیچ تێچوویێکی بۆ ده‌وڵه‌ت نییه و به‌پێچه‌وانه‌ش به سوودی خه‌ڵکی ناوچه‌که و ئابووری وڵاته.
کازم زاده ئاماژه‌ی دایه نزیکیی سنووری چیلات به ناوه‌ندی عێراق و وتی: دێلۆران نزیکترین سنوور به ناوه‌ندی عێراقه و ئه‌گه‌ر بکرێته‌وه له کاتی سه‌فه‌ر بۆ شوێنه پیرۆزه‌کان قه‌ره‌باڵغی که‌مترێک دروست ده‌بێت.
نوێنه‌ری دێلۆران گله‌یی له ده‌وڵه‌ت کرد و زیادی کرد: ده‌وڵه‌ت به‌رده‌وام بیانوی ئه‌وه‌ی هاوردۆته‌‌وه که لایه‌نی عێراقی قبووڵی نه‌کردوووه، له ئه‌گه‌رێکیشدا که ئاوه‌ها نه‌بوو.
ئه‌ندامی کۆمیسیۆنی ئاوه‌دانکاری درێژه‌ی دا: وه‌زیری ناوخۆ چه‌ند جار له‌گه‌ڵ ئه‌و بابه‌ته ڕه‌زامه‌ندی ده‌ربڕیبوو که هیودارم جێبه‌جێ بکرێت.
کۆدی هه‌واڵنێر: 60104
Your Comment