به‌پێی هه‌واڵی کوردپرێس، نه‌وید محه‌مه‌دزاده‌ بۆ ده‌ورگێران له‌ فیلمی سینه‌مایی "بدون تاریخ، بدون امضاء" وه‌کوو باشترین ئه‌کته‌ری پیاوی فێستیڤاڵی لاس پالماسی ئیسپانیا هه‌ڵبژێردرا و ئه‌وه چواره‌مین خه‌ڵاتی نێوده‌وڵه‌تیی نه‌وید محه‌مه‌د زاده‌ دێته‌ ئه‌ژمار.

له‌ ڕێوڕه‌سمی کۆتاییی فێستیڤاڵه‌که‌ جگه‌ له‌وه‌ی که‌ نه‌وید محه‌مه‌دزاده‌ خه‌ڵاتی باشترین ئه‌کته‌ری پیاوی وه‌رگرت فیلمی سینه‌مایی "بدون تاریخ، بدون امضا" دروست‌کراوی وه‌حید جه‌لیلوه‌ند خه‌ڵاتی باشترین فیلم له‌ ڕوانگه‌ی تماشاگه‌رانی مسۆگه‌ر کرد.

15هه‌مین فێستیڤاڵی فیلمی لاس پالماسی وڵاتی ئیسپانیا 6 تا 15ی ئه‌یپڕێڵ/ 17 تا 27ی خاکه‌لێوه‌ له‌ دوڕگه‌ی قه‌ناریی وڵاتی ئیسپانیا به‌ڕێوه‌ چوو.

کۆدی هه‌واڵنێر: 60103