به‌پێی هه‌واڵی کوردپرێس، سه‌فین دزه‌یی، وته‌بێژی حكوومه‌تی هه‌رێمی كوردستان راگه‌یاند: "هه‌وڵه‌كانی حكوومه‌تی هه‌رێم بۆ رێككه‌وتن له‌گه‌ڵ به‌غدا له باره‌ی ناردنی نه‌وتی كه‌ركووک بۆ ده‌ره‌وه به‌رده‌وامه، به‌ڵام تاوه‌كو ئێستا نه‌گه‌یشتوونه‌ته رێککەوتنی كۆتایی".
وتیشی: "وه‌كوو هه‌رێم بیرۆكه‌یه‌كمان ئاڕاسته‌ی به‌غدا كردوووه و له لایه‌ن حكوومه‌تی عێراقییه‌وه پێشوازی له بیرۆكه‌كه كراوه".
سه‌فین دزه‌یی له باره‌ی ناوه‌ڕۆكی ئه‌و بیرۆكه‌یه‌ی حكوومه‌تی هه‌رێم ئاراسته‌ی به‌غدای كردوووه ئەوەی خستەڕوو: حكوومه‌تی هه‌رێم پێشنیاری كردوووه رۆژانه 250 هه‌زار به‌رمیل نه‌وت له كه‌ركووكه‌وه له رێگه‌ی بۆڕیی نه‌وتی هه‌رێمی كوردستانه‌وه هه‌نارده بكرێت و له لایه‌ن كۆمپانیای سۆمۆوه بفرۆشێت و بڕی داهاته‌كه‌ش بگه‌رێته‌وه خه‌زێنه‌ی حكوومه‌تی عێراقی تا گه‌لی عێراق به هه‌رێمی كوردستانیشه‌وه سوود له داهاته‌كه‌ی ببینن.
دەشڵێت: "ئه‌و بیرۆكه‌یه له لایه‌ن حكوومه‌تی ناوه‌ندییه‌وه پێشوازی باشی لێوه كراوه، به‌ڵام تاوه‌كو ئێستا بڕیاری كۆتایی له‌باره‌وه نه‌دراوه".
کۆدی هه‌واڵنێر: 60104
Your Comment