به‌پێی هه‌واڵی کوردپرێس، مه‌لابه‌ختیار له‌ پرێس کۆنفڕانسێکدا ئاماژه‌ی دایه‌ بۆشاییی ئه‌منی له‌ ناوچه‌ کێشه‌له‌سه‌ره‌کان به‌ هۆی نه‌بوونی په‌یوه‌ندیی ویژدانیی نێوان هێزه‌ ئه‌منییه‌کان و خه‌ڵکی ئه‌و ناوچانه‌ بۆته‌ هۆی ئه‌وه‌ی ماده‌ی 140ی ده‌ستووری عێراق ئه‌و ناوچانه‌ نه‌گرێته‌وه‌.

ناوبراو هه‌روه‌ها خوازیاری جێبه‌جێ کردنی ئه‌و ماده‌یه‌ له‌ ڕێگای واژۆی ڕێککه‌وتننامه‌ی نوێی نێوان به‌غدا-هه‌ولێر بۆ ئیداره‌ی هاوبه‌شی ناوچه‌ کێشه‌له‌سه‌ره‌کان، بوو.

مه‌لابه‌ختیار جه‌ختی کرده‌سه‌ر ئه‌وه‌ی که‌ هێزی پێشمه‌رگه‌ و ئاسایش ئاماده‌ن بۆ به‌شداری له‌ ڕه‌وتی جێگیرکردنی ئاسایش له‌ ناوچه‌ کێشه‌له‌سه‌ره‌کان و خوازیاری واژۆ کردنی ڕێککه‌وتننامه‌ی جیدیی نێوان ده‌وڵه‌تی فیدڕاڵ و حکوومه‌تی هه‌رێمی کوردستان بوو بۆ پاراستنی ئاسایشی ئه‌و ناوچانه‌.

سه‌رچاوه‌: که‌ناڵی ته‌له‌فزیۆنیی "التغییر"

کۆدی هه‌واڵنێر: 60104